裝修討論區

香港嘉毅宏圖有限公司

Started by Simon Au · 0 Replies
Posted: 1 y
開頭傾個個叫陳生,中間傾左好耐,開頭有講有笑,扮到好NICE,又車埋我周圍睇,起初我唔識野,諗住呢間所謂8年老鋪,唔會昆我掛,點知屈人手法經驗了得,加1塊地台塼加我5,500,全屋3塊咁就加左16,500,窗台加塊塼又加7,500,全屋6塊又加45,000,油漆改做牆紙唔包料加85,000,紙自己買第1次(一陣你就知點解會買咁多次)左3,200,加左5個電制15,000,暫時,冇錯,係暫時被佢屈到 313,500,同我講幾抵幾抵,出面冇呢個價,最後被佢講多2講,就簽左約......

首先係份約係超簡單,完全冇提細節,剩係講,入左第1期數黎開工,之後幾時幾時要入錢,完全冇提完工其他所有野,有咩都剩係口頭上答,同我講"實冇事,一定OK,信我事"後再問問朋友,原個價錢係超貴,貴左十倍有多,我開頭聽到好心痛,後來安慰自己,老鋪又收得貴,可能..希望手工好D掛..

開工第1日,係完全冇人黎開工,我晚上收左工番上去睇,咩都冇變,第2日,第3日,,我開始覺得有D唔對路,打過去比佢,第1次,可能11點,食野未覆,第2次,3點鐘,終於通左,D語氣開始唔順超,一直同我講,安排緊人手,我都信住佢先,驚死煩到佢,等到第10日,我晚上上去睇,終於個廁所拆左小小野,個陣我仲傻到以為所有野開始做,點知係另一個惡夢既開始...

去到第14日,我又放假,所以走上睇下,點知所有野原封不動同第10日一樣,之後10點到有自稱係師傅既走上黎,我比晒水,野食條友,條友拎完野就咁行左去,去到廁所,講左句,仲咩乜Q野都未拆,跟手打電話,中間見到佢講到火都黎,我剩係知D野應該要拆,但係未拆,叫師傅照做,首先佢就鋪牆既磚,但係個牆拆D又唔拆D係完全唔平,個師傅就加左好厚既水泥令佢平番,之後就直接上磚,我問個師傅,個牆咁厚,個廁所咪細左好多,佢就話唔係點,我直頭O晒嘴,打過去比個陳生,又係打左好多次,終於打到,個陳生仲要話仲咁做架啦,冇問題,師傅做左幾十年識架啦,見睇住個廁所咁..已經有D谷氣,之後中間又停下做下,搞1間廁所搞左個幾月,都仲味搞好,事後朋友黎睇,防水冇做,地台唔平,磚完全空心,隨時可能掉,浴缸之類來去水完全漏水,漏到其他牆又滲水,更可怕係漏去樓下會搞到人地,到時被樓下告,我當時呆晒,即刻打比個條陳生,佢仲話"冇問題,信我",講多2講佢就好求期答我會上去睇睇,

之後拖左十幾日,我見咁大獲,請左假走上去睇,竟然又另一個叫做師傅既走上黎,我仲問,個廁所都味搞好,做廚房?個師傅話唔知,跟住行去廚房,一見到,又係個句,D野都未拆好,跟手又打電話,同樣地又叫個師傅搞,個師傅見我又派野食又派利事,開始同我呻,話呢D根本要拆晒,拆又拆D唔拆D,剩係拆D易拆既,特別係個4個角,唔打番隻角出黎,佢點鋪之後,佢都冇計,又係好似個廁所咁,上左好厚水泥,我當時個心灰晒,連師傅都咁講,仲同我講冇問題,呢條陳生,...我X!!!,更大獲係,佢地連入去水位,電箱,都拆埋,我即刻打比個陳生,呢次打左勁耐勁多次,到個廚房師傅叫鋪好晒D磚都未打到,我當時完全死晒心,之後突然有1日,佢打過黎,我開心到,點知仍係打過黎追數,我即刻同佢講佢搞到家下好多野未搞好,仲同我收錢,個陣已經比左7成錢佢,基本上咩都未搞,搞既又錯既,仲要拆走我D電箱,來去水,我一講起呢D,佢態度完全變晒,同我講唔入錢唔開工,仲要我自己貼錢搞番D野電同水,我當時火都黎,但係又冇計,幾谷氣都只能忍住死死氣入晒D錢比佢地,之後再被佢地屈埋水電,2樣加埋你估幾錢,加番個電箱,8萬5,加番條來去水,6萬4,我又忍忍忍照比,個頭比完,第2日,D野又係冇做過,當時我個心完全死晒,打比個條陳生又唔聽,

難受左6,7日到,終於有個好人小小既師傅上黎搞電,我將D情況講晒比佢聽,佢聽完完全O晒嘴,佢直頭同我講,個廁所係一定要再做過,唔係樓下一定滲水之餘,成屋都會滲水,到時有排煩,仲同我講原來唔單止呢頭好多苦主都係咁,有D仲慘過我(原來我咁都未算最慘),仲有D師傅根本係新仔(人工夠平),好多都冇糧出,搞到個個唔順超又再搵D客出氣,出糧又出唔足,總會壓住D數係度逼D師傅做落去,當時我先知完全中晒伏,當時真係好難受,佢仲話D錢千期唔好咁快入晒,唔係你一定會好大獲,一聽到呢句我個心完全死晒,個師傅見我咁,反過黎安慰下我叫我炸炸林比佢做完搵第2間,仲幫我執多小小手尾,

之後又拖多4-5日,當時已經係交貨個個月,即係第3個月,全屋得個電箱叫搞好(但係個電箱原本根本唔洗佢拆仲要被佢屈多D),當時條陳生個電話完全係打唔到,之後有日個條突然打比我,我心諗終於肯打比我,正想同佢講一大堆問題,點知一打黎好快咁講講講叫我買油買料,講完即收線,我心諗要錢就打比我,有事就唔理我,不過終於到油漆,油漆師傅上到黎,直接開始油油漆,我問佢,唔洗剷走D舊灰同埋D舊油漆咩,佢求其答我一句,唔洗架,咁樣仲實好多,唔信我油完試比你睇下,之後就再冇理我,好快手油晒成屋D牆,之後走左去,我見到D牆個色完全唔岩,仲要好多洞都冇補,D灰仲掉緊,諗住佢第2日會黎做...又係影都冇,就係咁,拖到家下,仲係完全搵唔到條陳生,水唔用得,牆D灰不斷掉,地下鋪唔平,好多電制又被佢產走埋,仲要驚廁所D磚掉落黎,...一大堆問題


當初怪自己咩都唔識,容易信呢D裝修佬,分享經歷係希望大家小心
Share on my timeline